Un embregerezh eus Lannuon eo Apizee, ispisializaet er vizio-skoazell. 43 den a labour evit an embregerezh-mañ savet e 2013. Betek-henn e laboure Apizee e 40 bro disheñvel hag e meur a yezh (saozneg, spagnoleg, italianeg, alamaneg mui ar galleg). Bremañ e vo kinniget servijoù e brezhoneg ivez abalamour da Anna Guéguen anezhi troerez e saozneg abaoe pevar bloaz en embregerezh hag a oar brezhoneg !
Ganti e vo troet dokumantoù teknikel ha tutoioù an embregerezh en hor yezh. Er strollad « produ » eus an embregerezh e vez o labourat a zispleg ar plac’h yaouank en ur video e brezhoneg kaset war ar rouedadoù sokial. Ur raktres a dreiñ ar produioù e meur a yezh a zo bet lañset en embregerezh ha war a seblant he deus esper ar vaouez e vo troet an interfas a-bezh e brezhoneg ivez deiz pe zeiz !
Crédit photo : Videotapadenn-skramm Apizee
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
Une réponse à “Lannuon : dokumantoù teknikel ha tutoioù a vo troet e brezhoneg gant un embregerezh (video)”
Gourc’hemennoù d’an embregerezh lannuonad-mañ !