Pluverin zo ur gêrig just ‘ba-tal Logunec’h, e kreiz ar Morbihan. Dibaoe sizhunioù e c’hoarvez traoù spontus ‘b’ar gêrig-mañ : 4 karr-tan a zo bet lakaet tan enne e kreiz ar bourk, un ti a zo bet hanter-zevet, tud yaouank éc’h en em ganiñ ‘ba kreiz ar straed, poezon aveit ar razhed strewet ‘ba lec’hioù zo. Hag e-raok e oe bet klasket forsiñ dor kantinen ar skol ha meur a dra e-giz-se.
Fuloret ruz eo tud Pluverin evel rezon ha kavout a reont da lâret àr an ti-kêr hag ar maer. Met hemañ a respont e klask gober e seizh gwellañ ha n’hall ket staliiñ kameraioù eveshañ mod-se hep kaout aotre ar prefed ha nouspet komisionoù arall. Ha eñ é lâred ema an dud é troiñ foll a-gaoz d’ar rouedadoù sokial ha d’ur listenn anvet « Tu es de Plumelin si » ma vez an dud é vontiñ pennadoù.
Da c’hortoz, ema tud Pluverin é veviñ edan an aon é c’hortoz pesort ti pe oto a vo devet ar wezh-mañ…
Crédit photo : DR (photo d’illustration)
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
