Pegoulz e vo graet kement-all evit hor yezhoù eta ?
E Beljia eo L’Avenir ur gazetenn pemdeziek anavezet mat. Nav c’hazetenn lec’hel he deus L’Avenir, an holl anezho e Waloni.
Hag e Waloni e vez komzet ar galleg mui un aridennad a yezhoù “rannvroel” : pikardeg, waloneg, loreneg, champeneg, … Bras eo ar walonegva hag avañset mat eo ar yezh e-keñver ar re all. Da geñver “Fièsses di Wallonie” (Gouelioù ar Waloni) hag a vo aozet d’an 18 a viz gwengolo, he deus divizet L’Avenir da lakaat e waloneg holl bajennoù kentañ he c’hazetennoù lec’hel. Mui ur bajennad a c’hoarioù e waloneg penn-da-benn e-barzh pep kazetenn !
Un nebeut bloavezhioù zo e oa bet graet ar memes tra e pikardeg gant ar C’hourrier Picard, kazetenn ar Picardi. Ar gazetenn sport “L’Equipe” a reas kement-all e 2009 ivez da geñver gourfen kib Bro-C’hall mell-droad etre Roazhon ha Gwengamp.
Hag e Breizh gant Ouest-France, an Telegram ha Presse-Océan ? Biskoazh !
[cc] Breizh–info.com, 2021, dépêches libres de copie et de diffusion sous réserve de mention et de lien vers la source d’origine
