Goude bezañ diskroget gant al labour e-pad 9 devezh ez eus bet votet d’ar 14 a viz c’hwevrer gant labourerien Tipiak Pont-Kastell Keren fin an harz-labour.
Hervez ar sindikadoù ez eus bet kavet un emglev gant ar renerezh d’an 11 a viz c’hwevrer goude un hir a brantad varc’hatañ. A-benn ar fin o deus bet ar sindikadoù ur c’hresk a 2,5% war ar goproù tra ma reklement 4%. Kresket e vo an adc’hoproù kart ivez.
E Sant-Enion-al-Lenn-Veur, en tu-all d’al Liger, e padas un devezh ouzhpenn an harz-labour met a-benn ar fin e voe kavet un diskoulm eno ivez : 70€ a vo ouzhpenn war ar gopr tra ma rekleme al labourerien 80€.
Digwener ivez e oa bet graet emglev e Kêrwall ha Sant-Ervlan m’o doa diskroget al labourerien gant al labour ivez.
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
