Mestr eo Worldline war marc’had bedel servijoù ar paeiañ hag an treugreadoù. 2 viliard € e gengreadur (+12,6%) e 2021. Abalamour da se, o deus bet an daou batron ur c’hresk a-zoare war o gopr e 2021 : +14,5% evit Gilles Grapinet ha 24% zoken evit Marc-Henri Desportes. N’eo ket fall o jeu aze ! Daou grouadur eus ar World Company e berr komzoù… E-keit-se emañ o implijidi o fritañ mizer avat !
D’ar 06 a viz gwengolo e tiskrogo labourerien Worldline diouzh al labour e Breizh hag e Bro-C’hall. Ganto e vez reklemet ur c’hresk war ar goproù : 150€/miz da nebeutañ mui un digoll a 2500€ rak nullet eo bet an arc’hopr lodennañ.
Ur pikêd harz-labour a vo savet dirak an embregerezh 1 Alez Adolphe Bobierre e Roazhon adal 10e. Pedet eo ar vretoned da zont da zivizout gant al labourerien.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
