D’ar 15 a viz c’hwevrer he deus embannet Nicola Sturgeon e roe he dilez deus he c’harg a gentañ ministrez Bro-Skos. Dre m’eo ministr-kentañ prezidant ar strollad politikel en deus gounezet ar votadegoù kannad eo da izili ar strollad, an SNP aze, da choaz o frezidant nevez hag az aio da gentañ ministr.
Partiet eo ar votadeg al lun-mañ e Bro-Skos ! Tri danvez-prezidant a zo war ar renk : Kate Forbes, Humza Yousaf, ur muzulman hag Ash Regan. D’ar 27 a viz meurzh e vo embannet anv ar prezidant-ministr nevez.
E kreiz ar jeu : al lezenn war an dreuzreviadelezh (« transexualeded »). Kate Forbes a zo a-enep groñs al lezenn-mañ rak kristen eo ha kentoc’h mirour. Humza Yousaf a zo evit al lezenn : ur muzulman eo met gaochist, LGBT ha tout.
Hervez ar sondadegoù diwezhañ ez aio ar maout gant Kate Forbes, ar pezh a vo ur c’hrenn-douar e bed an emsavoù dizalc’hour. Abaoe bloavezhioù e oa an SNP ur model evit meur anezho, betek e Breizh. Hogen aet eo skuizh izili an SNP gant an deverachoù wokist o deus kontammet ar strollad.
Plac’h ar gouezeleg eo Kate Forbes, desavet m’eo bet en ur skol c’houezelek eus an Highlands.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
