Bremañ en em astenn a ra bannlev Paris betek Douarnenez !
D’an 18 a viz ebrel, e oa daou barizian dirak lez-varn Kemper. Evit bezañ trafiket dramm evel just.
Etre an 22 ha 23 a viz gwengolo, diouzh noz, ur batrouilh poliserien a oa war an hent etre Kemper ha Douarnenez. A-daol-trumm, setu int dibasaet gant ur c’harr-tan Crossland d’ar red tan ruz. Mont a reas dezhi ar boliserien, anat hag ar redadeg a echuas e Saint-Croix e Douarn’. Kuzhet e oa bet ar c’harr-tan en ur c’hardi. Drogach, arc’hant hag ur pellgomzer ‘oa ‘barzh. Met aet e oa kuit an daou ganfard a oa ouzh ar stur.
A-benn ar fin e voe kavet roud anezho en un Air B’n’B eus bro Douarn’. Gant ar pellgomzer ne oa ket diaes rak ne seblant ket bezañ speredek-tre an daou gañfard.
Kavout eo bet gant ar boliserien e oa bet feurmet kirri-tan gant an daou baotr eus Paris, daou genderv, ha graet meur a veaj ganto. Etre Breizh ha Marbella, Rotterdam, Paris, da lavaret eo kêrioù ma’z eus trafikañ dramm etrebroadel.
Dezougerien drogach a-vicher eo an daou barizian. Treuzdougen a raent drogach en Europa a-bezh. 16 menneg a zo war roll unan anezho. Ur gwir CV leuniet mat !
Ur 17 hini a vo a-benn ar fin rak hemañ a zo bet kondaonet da zaou vloavezh toull-bac’h hag an hanter evit e genderv.
Hag int bretoned pe gallaoued a ouenn vat ? D’ho soñj… ? Da vihanañ, n’o do ket droad pourmen o c’halite e Breizh e-pad 5 bloazh…
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
