Bro-Loudieg : ar vretoned ramplaset

An neb az a da bourmen e Bro-Loudieg a c’hell bezañ souezhet gant plakennoù-marilh zo : Romania, Bulgaria, Portugal, … dreist-holl Romania. E Roumania emañ erruet Loudieg ?

Gant kresk al lazhti Kermené e Koadlinez, er bloavezhioù 70, eo arruet wagonadoù a Valianed er vro. En em staliet o deus e Koadlinez hag hiziv c’hoazh n’eo ket ur rouez gwelet merc’hed du gwisket gant boubouioù o pourmen er bourk.

Met ramplaset eo bet ar Valianed e pleg ar bloavezhioù 2000 gant poblañsoù all : Turked, Portugaled ha dreist-holl Roumaned. Met, e-touez ar re-se ez eus div boblañs disheñvel, ar Roumaned hag ar Rromed. Lod eus ar re-mañ diwezhañ n’int ket rouman a vroadelezh met bulgarian.

Hag e Bro-Loudieg o deus feurmet ha prenet tiez e pep lec’h. Dreist-holl er Menez, ur vroig e reter Loudieg. E Sant-Jagu ar Menez da skouer e weler kalz anezho er bourk : BMW flimm-flamm, tud rous evel gedon (rous ha n’eo ket rouz), bugale trouzus, … e bourkoù ar Menez n’eus ket brud vat a zo ganto. Ha biskoazh n’eo ket bet ken uhel disoc’hoù Marine Le Pen er vroig-mañ !

E-tal iliz Sant-Yagu e kejer ouzh Simone hag a zo o prientiñ un interamant :

« Ne blij ket din poblañsoù zo nevez staliet er vro, muioc’h-mui a laeroñsi a zo du-mañ abaoe m’o deus en em staliet  Koalinez ha tro-dro. Traoù a zo bet laeret diganin hag e ouaran mat piv en deus graet an taol. Forzh penaos a c’hell an holl dud dont e Bro-Frañs bremañ. Ur gwir leti eo deuet da vezañ ! »

Ni a za un tamm pelloc’h, er-maez eus ar bourk. Gwelet e vez tiez ar « poblañsoù zo » : kozh kirri-tan amañ hag ahont, chas, plakennoù-marilh a bep seurt, lous eo tro-dro d’an tiez, leun ar poubelennoù, paperioù kozh war al leur… Ha klevet e vez komz yezhoù ha n’eo ket na brezhoneg na gallaoueg. Roumaneg ? Bulgareg ? N’omp ket evit lavarout. Ur c’harr-tan a erru, ha n’eo ket un twingo ! BMW eus an hini nevesañ ! Ur paotr a zo ouzh ar stur, n’eus ket tapet e 20 vloaz anezhañ ken sur ha tra.

Mont a reomp da wel anv an hini a vo hec’h obidoù warc’hoazh : un anv breizhad eo. Eus Breizh-Uhel, un anv anavezet mat er vro. Sellet a reomp an anvioù war ar boestoù tro-dro da iliz drist Sant-Yagu. Kalz a anvioù rouman ha portugalad. Ur seurt « cité » a zo just e-tal ar vered kozh : anvioù rouman amañ ivez.

Bretoned kozh o vont d’an anaon, poblañsoù all o tont, e Sant-Yagu e vezomp ramplaset. Abalamour da labouradegoù an agroboued hag e c’hoproù izel-tre !

[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine