Muioc’h-mui a laeroñsioù hag a felliezh a zo e Bro-Raez ha Bro-Gwiniegi Naoned ken e rank ar c’humunioù staliañ kamerioù eveshaat nevez : e Lavreer-Botorel da gentañ holl, e bro ar gwin gwenn. Setu erruet felliezh ar c’hêrioù bras er gumun vihan-mañ bremañ ha ne fell ket d’an ti-kêr paeañ muioc’h evit ramplasiñ an arrebeuri kêr distrujet. 20 000€ a zo bet dispignet evit cheñch ha netaat arrebeuri ar gêr e 2023 dija ! Votet eo bet ar c’hameriaoù, bremañ eo ret kaout asant ar prefed.
E Arzhon-Raez ha Keverieg (tolpet e « Chaumes Raez » bremañ) e oa bet votet un diagnostik a surentez e 2021, goulennet asant ar prefed evit ar c’hameraioù e miz gouere 2022 ha staliet ar c’hameriaoù nevez zo gant 24 kamera oc’h eveshaat straedoù ar gêr. 220 000€ a zo bet lakaet e-barzh met gouzout a ra ar gumun e vo espernet arc’hant a-drugarez dezho ha dreist-holl e vo sederaet an dud. Kameraioù all a zo war ar stern dija rak takadoù zo eus ar gumun a zo lec’hioù m’he deus en em staliet disurentez.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
