E La Chevrolière, ur gumun eus Bro-Raez nepell eus lenn Grandlieu, war bord an RN65 zo bet savet ur Gwenn-ha-du, banniel Breizh, e beg ur wern d’ar sadorn 20 a viz even dirak un ugent bennak a dud ha kazetennerien. Gant ar gevredigezh Bretagne Réunie e oa aozet al lid-mañ. Bloavezhioù goude bloavezhioù e vez staliet bannieloù Breizh gant BR un tamm e pep lec’h e Liger-Atlantel. Ha gwelet e vez anezhe gant an dud !
A-hend all e kendalc’h komiteioù lec’hel zo gant an obererezh « War ar Pont » ma vez diskouezhet gitonioù evit Breizh adunvanet ha bannieloù gwenn-ha-du war pontoù. An hini diwezhañ a zo bet dalc’het gant komite Naoned d’ar 7 a viz meurzh. Seizh den o den kemer perzh an taol-mañ.
Kontrol d’ar gevredigezh A la Bretonne hag a zo a-gleiz tout, Bretagne Réunie a zo kentoc’h neptu, digoroc’h he spered d’an holl sonjoù ha livioù politikel, « patriot breizhad » na ruz na gwenn met gwenn-ha-du. Evel m’o defe bezañ an holl strolladoù az a d’ober an Emsav e berr komzoù.
Foto : tapadenn skramm video Bretagne Réunie war kont Facebook ar gevredigezh
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
