Koc’hu Rekourañs a zo deuet da vezañ un torr-gouzoug ! D’an 20 a viz c’hwevrer eo teir zagadenn a zo c’hoarvezet e-korf div eurvezh eno : un evezhier a zo bet bazailhet gant hailhoned, un den en deus skoet gant e vignonez kozh e-kreiz ar gourmarc’had Super U (ha pratikoù a zo bet skoet ivez gantañ) hag an apotikerez a zo bet taget war parkva ar c’hoc’hu. Ha laeret he c’harr-tan da heul !
Met piv vo souezhet gant se ? Tro-war-dro d’ar c’hoc’hu ez eus tud o rodal noz a deiz. « Zonard » dindan boeson ha dramm met ivez tud « egzotekoc’h », tud ha n’eo ket Yannigoù eus Rekourañs. Ha n’int ket eus Breizh kennebeut, nag eus Europa ‘m eus aon.
Ha n’hall ket mui ar merc’hed mont da foetañ boutik er C’hoc’hu goude 16e rak c’hwitellaet e vez war o lerc’h, pa ne vez ket kinniget dezho ober traoù lous « Amañ ! Diouzhtu ! Gast ar c’hast ! »
Skrivet ez eus bet ur gemenadenn gant koñversanted ar C’hoc’hu ma c’houlennont ennañ gant an ti-kêr e vefe kavet un diskoulm ar buanañ ar gwellañ. Muioc’h a polis a reklemont da skouer. Ha goulenn a reont e vefe lakaet prevez ar blasenn Ar Saëc kuit da gaout ar memes zonard oc’h atahinañ an dud onest.
« N’emañ ket ‘barzh » a lavar Yohann Nedelec, eil-maer karget eus ar surentez. Met petra c’hortoz gant ur sokialour ha ne fell ket dezhañ « gwelet ar pezh a wel » ? « Un afer a voeson eo netra ken, arabat gwerzhañ boeson da reoù zo » eme Yohann Nedelec berr-ha-berr.
Betek ar fin e vo nac’het ganto !
Sécurité à Brest : à Recouvrance, les commerçants des halles lancent un cri d’alarme https://t.co/JFQF80lTHg via @LeTelegramme
— Jean-Luc Padellec (@JLPadellec) February 22, 2024
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
