E kornôg Italia, ez eus daouzek flondrenn ma vez komzet okitaneg enno : Ar Valadas Occitanas a vez anvet anezhe en okitaneg pe « Valli Occitane » en italianeg. Flondrennoù uhel eus an Alpoù eo, pell eus ar c’hêrioù bras ha greantel eus norzh Italia ha dizarempredet ken-ha-ken. D’ar sadorn 10 a viz mae e voe lañset « Gouel ar menezioù » e kêr gCunéo/Conu, ur gêr a 55000 anneziad, er Piemont. En ti-kêr, an deiz-se, e voe un digarez da sinañ un emglev « “patto per la condivisione delle politiche di sviluppo del territorio della Mezzaluna alpina” etre kêrioù Cuneo, Saluzzo ha Mondovì gant an Assemblea Occitana Valadas, ur strollad emrenour okitan. Hag e-barzh an emglev-se ez eus bet reklemet an emrenerezh evit ar flondrennoù okitan. « Ni a reklem ur proviñs okitan emren, mod-se e vo graet muioc’h war-dro hon tiriadoù » a zo skrivet mui pe vui en destenn.
« Ar pal er fin zo da gaout ur proviñs emren evit kaout muioc’h a arc’hant ha muioc’h a servijoù hag evit ma vefe gwarezet evit gwir ar sevenadur hag ar yezh okitan » o deus skrivet aozerien ar gouel paneveken.
Crédit photo : Wikipedia
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
