Diaoul biskoazh ! Embannet zo bet ar sizhun-mañ un destenn gant tri aozadur eus an tu-kleiz pellañ ruz-tan (Utopia 56, sindikad ar vreutaerion eus Bro-C’hall ha sindikad ar varnouriezh) evit ma vefe « kemeret e karg » en un doare gwelloc’h ar « vinored digenvez », da lavaret eo bugale (pa vez gwir vugale anezhe) leusket da vont en Europa o-unan gant o zud eus Afrika pe eus ur vro tramor bennak.
Hervez an tri aozadur e vefe ken bras ha 90% ar feur anzav a vinorelezh el lezioù-varn eus Bro-C’hall. Hogen, en Il-ha-Gwilun e vefe ar feur-se eus 62% nemetken, ar pezh a lak ar gaochisted e fulor kar fellout a ra dezhe e vefe 110 pe 120% moarvat.
Ma vez anavezet minorelezh estrañjourion yaouank gant ar justis e tle an departamantoù kement anezhe e karg. Al lezenn eo. Da lavaret eo dispignañ arc’hant evit tud ha n’o deus netra d’ober nag e Breizh nag e Bro-C’hall.
Ha penaos e c’heller krediñ e vo reizh ar justis pe ouzer emañ sindikad ar varnouriezh er jeu ? Ma tremen Mamadou, 35 bloaz, dirak ur barner ezel eus ar sindikad eus an tu-kleiz pellañ-mañ hag e vo anavezet evel « minor » diwar abegoù ideologel ?
Gant seurt aozadurioù eo da Vro-C’hall da gemer e karg holl mizer ar bed. Ha ni, tud eus ar vro, o fritañ mizer !
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
