Setu ar voutailh a zo bet kavet ganimp en ur C’harrefour city eus Roazhon
Evit arruet war estajerenn ar stalig-mañ he deus graet ar voutailh-mañ ur sapre hent a 22 000 km ! Pebezh bilañs karbon !
Hervez ar vruderezh peget warni eo « glan kenañ » an dour-mañ, hini « glanoc’h ar bed » zoken. Hogen n’eo ket glanoc’h eget dourioù all a zo pompet er menezioù pe me oar. Un « dour artezian » eo, da lavaret eo tennet eus ar gwelead dour kondon eus ar Fidji hep ma vefe ezhomm pompañ anezhi. Met e kreiz kêr Paris ez eus teir feunteun gant dour artezian ivez enni, o tont eus donder douar Paris. Hervez kont eo pur-tre an dour-mañ daoust dezhi bezañ dindan ur gêr ken polluet.
Penaos e c’heller gwerzhañ boutailhoù dour o tont eus ken pell tra ma zo meur a zourioù eien e Breizh hag e Bro-C’hall ? N’eo ket bet aozet tamm manifestadeg bennak ebet dirak ar C’harefourioù city gant boboed eus kreiz-kêr evit poent, bepred… Ouzhpenn-se n’eo ket sklaer-sklaer an embregerezh a brodu an dour-se evit a sell ouzh an tailhoù da baeiañ d’ar gouarnamant fidjian ! Met ne vern… Marteze e vez prenet an dour-se gant ekologourion zo evit « netaat o « c’hroc’hen brizius », piv oar ?
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
Une réponse à “Boutailhadoù dour eus an inizi Fidji da werzhañ e kreiz-kêr Roazhon !”
En Island, posubl eo evañ dour ragistorel.