An Talbenn Broadel Frizian (FNB) eo ar strollad broadelour pennañ eus Bro-Friz, un enezenneg hec’h identelezh kreñv er-maez d’an Izelvroioù. D’an 18 a viz meurzh e oa deiz ar votadegoù kêr en Izelvroioù a-bezh. E Bro-Friz en deus graet berzh an FNP gant 10 000 mouezh ouzhpenn e-keñver 2019 (36 000 en holl). Deuet eo da vezañ trede strollad ar proviñs dre rastellat 12% eus ar mouezhioù, memes.
48 kuzulier-kêr (+10) en deus ar strollad broadelour bremañ hag e-barzh teir farrez eo deuet da vezañ ar strollad pennañ zoken : Noardeast-Fryslân, Tytsjerksteradiel ha De Fryske Marren. Reklem a ra an FNP e vefe emren Bro-Friz ha lakaet kevreadel an Izelvroioù. E proviñs ar Groningue e norzh ar vro, deuet eo a-benn ar PvhN, da lavaret « Strollad an Norzh » da rastellaat 4% eus ar mouezhioù ivez. Ur c’huzulier PvhN a vo hiviziken e kuzul kêr c’hGroningue, memes. Ur strollad emrennour eo PvhN, arc’hiñ a ra e vefe lakaet emren ar Groningue.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
