War a seblant ne gomprene ket mat ar galleg, dleout a reas al lez-varn gervel ur jubennour : d’ar gwener 19 a viz eost e oa un Aljerian en e 30 vloaz dirak lez-varn Sant-Nazer. An deiz kent e oa o vleniañ ur c’harr-tan er Baol tro 4e noz. Ar pezh zo, n’en doa ket droad bezañ e Breizh rak e oa bet skarzhet eus Bro-C’hall daou vloaz zo ha n’en doa ket droad distreiñ.
Hag ur gwir sketch eo peurrest an istor : O vleniañ ur c’harrad-tan leun a hailhoned mezv-dall e oa met « eñ ne oa ket » hervezañ bepred. Na sirius ar paotr ! Pa wellas ar boliserien e savas aon gantañ ha dao partiet ar rodeo ! Plantañ a reas tizh me dre ne oa ket barrek ouzh ar stur e achuas en ur vogerig kae Rageot de la Touche. Tapet e voe goude bezañ tec’het kuit war droad eus e garr-tan (laeret).
Aotre-bleniañ ebet dezhañ evel just, an Aljerian a darempredfe ur vaouez e Naoned met dibosubl eo gouzout piv eo e vestrez rak « re gompliked eo hec’h anv ».
Hervez e vreutaerez eo bet « gwallgaset » gant ar boleserien pa voe serret ganto evel just.
A-benn ar fin e voe kondaonet da 5 mizvezh toull-bac’h mui ur c’hastiz. Dav e vo dezhañ distreiñ d’e vro ivez goude e vakañsoù en toull-bac’h gall….
« M’en deus c’hoant » evel just !
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
