Tamm-ha-tamm e vez peurbaeet maread du ar gwall-daol ma voe lazhet ar prefed Erignac e Korsika. Goude Pierre Alessandri, teir sizhun zo, hag a zo bet aotret da labourat er-maez eus toull-bac’h Borgu e-pad an deiz, setu Alain Ferrandi gant ar memes hent ! Diriaou mintin eo bet asantet e c’houlenn a hanter frankiz ! Gortoz a ra difennourion ar prizoniad un nebeut devezhioù evit ober you-you avat rak gallout a ra ar jujeri enep-sponterezh ober galv. Hag e c’hellfe hen ober ha pa klask ar stad gall sioulaat ar jeu etre ar vroadelourien ha Paris. Divizoù a zo dre guzh etre an dilennidi korsad hag ar gouarnamant gall abaoe m’eo bet peurlazhet Yvan Colonna hag ar sizhun dremenet e oa Gerald Darmanin e Korsika evit komz war-eeun gant ar gouarnamant emren korsad.
Ur statud a emrenerezh a vefe war ar stern met a-raok dav e vo kavout penn da gudenn ar brizonidi bolitikel.
Abaoe miz mae 1999 e oa Alain Ferrandi en toull-bac’h, diskred zo warnañ bezañ bet e penn ar C’homando Erignac.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse
Mat tre.
Bevet Korsika dizalc’h! … Ha marv d’ar macronia !!!!!!!