N’eo ket e Breizh eo c’hoarvezet an afer met e Bro-C’hall (La Roche-sur-Yon – Vañde). Met dirak lez-varn Naoned emañ ar paotr er mare-mañ. 32 vloaz eo homañ, ganet e Bro-Vrazil hag advabet en e oad tenerañ gant ur c’houplad gall.
A-holl viskoazh en deus bet ar stultenn seksel-mañ, hervezañ : al loeroù. N’eo ket ar berr-loeroù met al loeroù a vez gwisket gant ar merc’hed. Pa oa bihan en doa plijadur o kemer reoù e c’hoar. Pedofil eo, ne lavar ket ar c’hontrol : mont a ra war internet evit sellet ouzh merc’hed bihan gant loeroù.
E 2017 e oa animatour en ur greizenn-dudi e La Roche-sur-Yon. Setu ul lec’h mat evit “beviñ” e dechoù fall ! Hervez ar boliserien en defe flac’hotet merc’hed-bihan ha graet traoù gwasoc’h zoken. Gant loeroù e oa gwisket an holl anezho, anat. Sorc’hennet eo gant se, trelatet, gwasoc’h eget al lagoud gant paotred an tavarnioù tro-dro ti pikol !
Un daouzek bennak a verc’hed bihan en defe flac’hotet e-giz-se.
Ur bloavezh eo chomet en toull-bac’h etre 2017 ha 2018 met dirak lez-varn Naoned e vo ret dezhañ kavout arguzennoù solut evit kendrec’hiñ ar varnerien hag ar familhoù n’eo ket mui un dañjer evit ar gevredigezh. Hag eñ un tamm otus a-wechoù pa komz ouzh ar barner…
D’an eur ma skrivomp ar pennad-mañ n’eo ket bet embannet ar varnadenn.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
