Pemp gwalldaol en defe graet etre miz eost ha miz here 2021 ar Guyanad yaouank-mañ e bro Gwengamp. Ha setu perak emañ dirak ar barner d’ar gwener 16 a viz even-mañ. Toullbac’het eo abaoe m’eo bet barnet evit bezañ bet skoet gant un den gant ur bazh houarn a-raok ar gwalldaolioù m’emañ barnet evito ! Hag eñ 21 vloaz nemetken !
Serret e oa bet gant poliserien Sant-Brieuc e miz c’hwevrer 2022. Hogen, n’eo ket bet graet an traoù hervez ar reizh ganto ha kavet zo bet ur si un doser gant breutaerez ar Guyanad.
Ne vir ket ouzh lez-varn Gwengamp da genderc’hel gant ar prosez. Dav e vo nulliñ an dalc’h dindan evezh met prouennoù all a zo en doser evit meur a walldaol. War ul lec’h gwall-daol e Plouvagoar da skouer, m’en defe ar Guyanad skoet gant tud gant ur vazh base-ball hag ur gontell, ar boliserien o deus kavet e… lunedoù !
Reklemet eo bet 6 mizvec’h a doull-bac’h gant ar prokulor. E miz gwengolo e vo embannet ar varnadenn.
Da c’hortoz e chomo en toull-bac’h evit gwall-daolioù kozh m’en doa tapet 18 mizvezh a brizon.
Ha, da c’houde, e vo laosket seurt den da vont e straedoù ha maezioù bro Dreger adarre ????
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
