Ur « minor » eo gouez dezhañ, a-boan tapet e 17 vloaz. Met ar re o deus gwelet anezhañ a lavar ez eo kentoc’h ur gwaz en e 20 vloaz. Un Aljerian zo diskred warnañ bezañ taget peder flac’h e-kerz ar gouel hip-hop « Bouge » disadorn tremenet e Sant-Nazer. Kollet en doa e skiant vat pa oa bet hopet gant ar boliserien ha boeson gantañ ! Ken e tleas ar c’hargidi gervel o c’heneiled eus ar vrigadenn chas da reiñ an dorn dezho. Asambles e teujont a-benn da vestroniañ an Aljerian hag a gunujennas anezho war ar marc’had, gourdrouzoù a varv ha tout !
Dibaper e oa an den evel just. Dilun eo bet kaset dirak al lez-varn. Da c’hortoz gouzout e boan eo bet gourc’hemennet dezhañ skarzhañ kuit eus Bro-Frañs (OQTF).
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
