24 bloaz eo, dispartiet diouzh e wreg. Daou vugel fiziet d’ar skoazell sokial d’ar vugale, 14 menneg war e roll lez-varn. Ur c’hampion !
Emañ c’hoazh dirak ar barner d’ar 07 a viz c’hwevrer. Evit torfedoù grevus. Ur wech ouzhpenn !
D’ar 6 a viz kerzu 2023 en doa lakaet ur gountell dindan fri un den o pourmen e kreiz kêr Dinan. Ha laeret arc’hant digatañ. Ha neuze, un nebeut eurvezhioù war-lerc’h, setu eñ o tegouezhout e ranndi un den dindan kulatoriezh. Ar memes gountell gantañ. Skeiñ a ra gant ar paourkaezh den ha furchal e pep lec’h er ranndi. O klask arc’hant ? Dindan boeson emañ. Erru a ra ar boliserien met ne fell ket dezhañ mont ganto. Klask a ra pellgomz d’e vreutaer gant ur sigaretenn (!)
Meur a wech en deus klasket en em lazhañ dija met… memes se e sko bewech e-biou !
« Loozitude penn-da-benn » evel ma lavar ar re yaouank.
Goulenn a ra bezañ kaset d’ar « Bas-foins », an ospital evit ar re sot eus Dinan, gant ar barner. C’hwitet ! Mont a raio en toull-bac’h adarre. Evit ur bloavezh ouzhpenn.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
