Rechercher
Fermer ce champ de recherche.

Arabat komz eus an IVG !

Komz eus an IVG en Emsav a zo pec’hed. Lakaet zo bet ur gemenadenn war Facebook gant ur brezhoneger ar sizhun-mañ ha partiet ar jeu. Ul lanv a gunujennoù, poentoù Godwin ha me oar c’hoazh evit an hini en deus kredet terriñ an tabou ! Evit ar re eus an tu-kleiz n’eus ket tu ober an disterañ evezhiadenn diwar-benn an IVG. N’eus ket nemet ur meno rezonapl evito : un araokadenn eo an IVG. Dav eo ober estlammoù dirak al lezenn nevez hag a skriv an IVG er vonreizh. Dav eo bezañ el levenez, beuzet el levenez. Ha goulenn e vefe lazhet muioc’h a vugale c’hoazh ha reklem e vefe astennet an termen. 9 mizvezh da skouer ? Pe goude ar ganedigezh memes ? Perak ne vez ket lazhet ar vugale a huch hag a leñv noz-deiz ? Un gwir ouzhpenn e vefe evit ar merc’hed, neketa ? Hag ur bugel bihan, petra eo a-benn ar fin ? Un astenn eus e vamm ! Eus he c’horf !

Sklaer ar jeu : fellout a ra d’an tu-kleiz e vefe eiltretet ar c’hrouiñ bugale. Afrika, Afghanistan zo deuet da vezañ kement ha Bro-Sina evit ar produiñ bugale. Rak pec’hed eo komz eus ar feur genel e Breizh ha Bro-C’hall. E penn ar vro ez eus ur gouarnamant a-enep ar familh. Ur gouarnamant ha ne fell ket dezhañ lakaat e pleustr ar “gopr mammel” hag an holl ziarbennoù a c’hellfe lakaat ar familhoù ha dreist-holl reiñ ar c’hoant d’ar merc’hed d’ober muioc’h a vugale. Alese an eiltretiñ da vroioù all.

Gwechall e stourme an Emsav evit “Breizh da Vreizhiz”, evit ma c’hellfe ar gwir vreizhiz bezañ niverus a-walc’h evit talañ ouzh al lanv a gallaoued a zeu d’ober annez e Breizh bep bloaz.

Bremañ eo ar c’hontrol eo. Stourm a ra an Emsav evit ma vefe rañplaset ar vretoned. Evit ma vefe “hironet” Breizh ar muiañ ar gwellañ. Evit ma ne vefe ket mui bretoned gwir.

E 1837 e voe embannet “Les Derniers Bretons” skrivet gant Emile Souvestre. A-benn nebeut e vo al levr-mañ hor realded. Met n’eo ket strikt, gant ma vo gwarezet gwirioù ar merc’hed da lazhañ ar vugale en o c’horf… Ar gwirioù hiniennel da gentañ !

Crédit photo : DR

[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine

Cet article vous a plu, intrigué, ou révolté ?

PARTAGEZ L'ARTICLE POUR SOUTENIR BREIZH INFO

5 réponses à “Arabat komz eus an IVG !”

  1. T. Gwilhmod dit :

    Mat-tre eo ar pennad ! Evit kompren savlec’h ar gleizelourien-lazherien-vugale e ranker komz eus ensavadur ar briedelezh a zo bet diskaret gant an torrdimezi. Gant ar briedelezh e oa gwarezet ar gwragez, e surentez e oant ha neuze e c’hellent lakaat bugale er bed, gwarezet ma oant gant o gwaz, evel rezon, hag ivez gant stern yoneziel (juridique) ar brriedelezh.
    Ha bremañ, p’eo bet diskaret ar briedelezh en em gav o-unan ar merc’hed o tougen. Diwar-se n’o deus ket da joaz, lakaat a reont un termen d’o brazezded o lazhañ o bugaligoù.
    Ouzhpenn-se, gant an hilastaliñ (contraception) ha pilulenn-an-deiz-war-lerc’h e c’hell profitañ ar boatred c’hadal, dinec’h eus korf ar maouezed, fouzhañ diharz, peogwir ez eo deuet ar revelouriezh da vezañ ur pal er vuhez, unan loenek a grenn, pa oa gwechall natur engehentiñ bugale diwar ganrantez ar priedoù ha diwar-se pep hini a gave e blas en tiegezh. An diforc’hañ-bugale a zo eta efed diec’hus diskaradur ar briedelezh.
    Pep tra zo da adsevel. Me ne welan nemet un dra : ma kavo an dud endro hent ar feiz kristen.

  2. Herri ab Yann dit :

    Eveljust eo dav “ober estlammoù dirak al lezenn nevez hag a skriv an IVG er vonreizh. Dav eo bezañ el levenez, beuzet el levenez” ha cheñch ar Marseillaise kanet gant Catherine Ringer (gwelet amañ 38 vloaz ‘zo : https://fr.spankbang.com/8szhs/video/catherine+ringer+la+fess+e+1976 !!

  3. Herri ab Yann dit :

    2024 – 1976 = 48 ha n’eo ket 38 ! Eizh vloaz ha daou-ugent abaoe ar feskennad-se. Poent ‘vefe…

  4. philibert dit :

    C’est vraiment dommage que vous ne prevoyiez pas une version française de vos articles.

  5. Herri ab Yann dit :

    Ha pevare e vo troet e brezhoneg ar pennadoù gallek ?
    Ne vefe ket brav kaout ur Breizh Info divyezhek ?!
    Hag e klevan dija “du galo, dame yan, dame vére !”
    Gallaoueg, evel just !? On ne va pas s’en sortir !!

ARTICLES EN LIEN OU SIMILAIRES

E brezhoneg, Politique

Hag eo deuet an enepyuzevegezh da vezañ diouzh ar c’hiz en Emsav ?

Découvrir l'article

Local, Politique, RENNES

25 militants réunis pour le grand congrès annuel du Parti breton

Découvrir l'article

Politique

Petite politique : Joannic Martin, vice-président du Parti Breton, passe à Horizons !

Découvrir l'article

A La Une, Politique, Sociétal, Société

Catherine Ringer, une ex-actrice porno “hardcore” élue pour chanter l’avortement. Un choix symbolique ?

Découvrir l'article

E brezhoneg, Sciences, Sociétal, Société

Marc Le Fur a-enep an IVG er vonreizh

Découvrir l'article

Tribune libre

IVG dans la Constitution : plus qu’un symbole, un texte dangereux [L’Agora]

Découvrir l'article

E brezhoneg, LANNION, Local

Tregastel (Bro Dreger) : “amañ e vez komzet galleg ha n’eo ket brezhoneg”

Découvrir l'article

E brezhoneg, Immigration

A-benn 2050, un den diwar bemp en oad da labourat a vo o chom en Afrika

Découvrir l'article

Immigration, Politique

Un mouvement nationaliste breton complètement absent du débat sur l’immigration

Découvrir l'article

Politique, Tribune libre

Immigration : l’insupportable niaiserie de l’Emsav [L’Agora]

Découvrir l'article

PARTICIPEZ AU COMBAT POUR LA RÉINFORMATION !

Faites un don et soutenez la diversité journalistique.

Nous utilisons des cookies pour vous garantir la meilleure expérience sur Breizh Info. Si vous continuez à utiliser le site, nous supposerons que vous êtes d'accord.

Clicky