D’an 11 a viz meurzh e voe serret un den en e 22 vloaz o werzhañ dramm e karter an Trebal. Ur « poent deal » anavezet mat a zo e-kichen ar skwar Marsel Pagnol, daou boliser a oa o kantreal tro-dro pa weljont un den o werzhañ dramm meur a wech ha neuze o kleuziñ an douar evit kemer sac’hadoù dramm kuzhet mat.
Pa tegouezhas ar boliserien e skoas an trafikour gant unan anezho. Ha kouezhet an daou. E-keit ma oant oc’h en em ganañ war al leur e tapas krog an dealer e kelloù ar poliser a-raok reiñ taolioù er flankoù.
Hag evel just e huchas par ma c’hellas evit ma teufe reoù yaouank eus ar c’harter da sikour gantañ dre dagañ ar boliserien. A-benn ar fin e teuas a-benn ar c’hargidi va vestroniañ anezhañ ha da gas anezhañ dirak ar barner d’an 13 a viz meurzh. Met start e oa bet ar jeu !
Dirak an aotrou barner e nac’has an den bezañ un trafikour. « Ur penn dramm ne lavaran ket ». Ha tamal a reas ar poliser da vezañ lakaet e benn-glin war e gorzhailhenn. « N’hallen ket mui analiñ » hervezañ. Evel Georges Floyd ?
Ur Georges Floyd eus rannvro Paris eo rak n’eo ket ar paotr-mañ eus Sant-Nazer. Dont a ra e Sant-Nazer ingal da werzhañ e boezon.
A-benn ar fin n’en do ket droad dont en-dro da Liger-Atlantel e-pad 5 bloaz ha kousk a raio en toull-bac’h an daou vloaz a zeu.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
