Perak stourm evit dibrizonañ Christophe Gleizes ? [L’Agora]

Christophe Gleizes a zo toullbac’het en Aljeria deuet da vezañ « Mecqua nevez » ar re eus an tu-kleiz. Ha Christophe Gleizes a zo eus an tu-kleiz. Tu-kleiz pellañ zoken. Kazetennour evit So Foot, komzet en deus er « Media », chadenn LFI, er prezegennoù war an doare-soñjal « didrevadennour » hag all.

Emañ en Aljeria abaoe daou vloaz bremañ, emañ er baradoz neuze !

War ar pezh em eus komprenet e vo dibrizonet a-benn nebeut kar distaolet gant Abdelmadjid Tebboune, an diktatour aljerian, paotr an FLN evel an holl re araozañ.

Me bari e vo skrivet ul levr gant Christophe Gleizes kerkent hag achapet eus ar « Mecqua nevez ». Ha me bari e vo kontet an traoù gantañ war an ton « N’hor bo ket ma c’hasoni ». Aljerianiz a vo tud « formidabl » anezhe, en toullbac’h en do graet anaoudegezh gant « prizonidi deuet da vezañ breudeur dezhañ » hag all. Ha marteze en do « graet anaoudegezh gant an Islam » memes.

Hag evel just o do o fegement Bruno Retailleau ha tout ar re a fell dezhe derc’hel penn ouzh Aljer kar « Aljeria ha Bro-C’hall a zo breur ha c’hoar war bord ar Mor Kreizdouarel ». Ha paneve ar « fachisted »-se en defe bet dibrizonet a-raok.

Ah, ankounac’het ‘m eus un dra : kerkent ha lakaet an troad war tarmak Orly e lavaro Christophe Gleizes e « tistroio d’an Aljeria ar buanañ ar gwellañ » kar « bro e galon eo ».

Me bari tout-se ! Kar ar gaochisted, gallout a reer divinet ar pezh a vo lavaret gante a-raok m’o dije digoret o feg, memes. Mod-se emañ.

Stourm evit dibrizonañ Christophe Gleizes neuze ? Pas ganin atav !

JPT

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.