Aet eo Erwan Vallerie d’an anaon. Arbennigour war an anvioù-lec’h eus Breizh e oa eñ.
Eus Montroulez e oa e vamm (Simone Cavalan hag a ouie brezhoneg) hag eus Roazhon e oa e dad, ar jeneral aet da rezistant Pierre Vallerie. Yvon-Gildas « Erwan » Vallerie a ouestlas e vuhez d’e vro : Breizh. Paotr ar Celib e savas ar gazetenn Sav Breizh gant Yann Choucq e 1969 hag ar memes bloaz e savas Skoazell Vreizh gant Yann Choucq, Alain Guel ha Gwenc’hlan Le Scouëzec evit souten rezistanted an FLB kaset d’ar bidouf.
Goude-se e pledas gant an anvioù-lec’h eus Breizh betek dont da vezañ arbennigour war ar sujed. Er bloavezhioù 90 e tapas un doktorelezh war an danvez-mañ hag eñ sterner uhel e EDF. E 1995 eo bet embannet e bikol « Traité de toponymie historique de la Bretagne », diwar e dezenn, hag a zo atav un oberenn da zaveiñ dezhi.
E 2003 e voe embannet « Ils sont fous ces bretons » diwar e bluenn. Ha berzh a reas gant al levr-mañ. 100 000 skouerenn a zo bet gwerzhet.
Ur broadelour feal e oa Erwan Vallerie. Pevar bugale en doa hag un aridennad a vugale vihan. Marv eo en e 78vet vloaz.
Kenderv mod Breizh e oa Erwan Vallerie d’hor penn-redaktour Yann Vallerie. Eus norzh Roazhon eo ar familh (Sen, Henwig-ar-C’houenon) ma’z eus…. un anv-lec’h anvet « La Vallerie » ! Ra vo skañv douar Breizh evitañ.
Ardamez ar familh Vallerie e Sen (35)
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
Une réponse à “Aet eo Erwan Vallerie d’an anaon”
Lec’hanvoniour pennañ Breizh oa Erwan Vallerie. Ur braset a goll eo evidomp.
Gourc’hemennoù d’e diegezh ha d’e geneiled.