A-benn 2027, e tleo 61% eus ar stêrioù bezañ en ur stad vat hervez ur sturiad european. Hogen, tro-dro da Naoned emañ pell Yann diouzh e gazeg c’hoazh ! Diazad ar Sevr da skouer a zo da adkempenn ha da zisaotrañ. 31 tolzenn dour (stêrig, stang, poull-dour, …) a zo e-hed ar stêr ha n’eus hini ebet diouzh al lezenn evit poent ! Poent eo ober un dra bennak o c’houzout zo bet lakaet 6 milion a euroioù evit adlakaat an traoù en o reizh war ar c’houlzad 2021-2026.
Petra zo d’ober aze ? Adsevel an tachennoù gleb, lakaat harz war saotradur al labour douar, gwellaat ar sistemoù evit puraat an dour lous. Siwazh, er purlec’hioù e kaver atav re a nitratoù ha re a saotradur all : fosfor, diastuzerioù a bop sort…
Hag evel just, an holl saotradur-mañ a za, da c’houde eus ar Sevr d’al Liger. Hag eus al Liger d’ar mor !
Evit gouzout hiroc’h war stad an traoù evit ar Sevr : https://www.sevre-nantaise.com/page/le-bassin-versant-de-la-sevre-nantaise-un-faisceau-de-rivier.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “Liger-Atlantel : N’eo ket mat dour ar Sevr !”
Dav ‘vefe skrivañ : en ur stad vat, tro-dro da Naoned, da zisaotrañ, poent eo ober un dra bennak ha n’eo ket : bezañ en ur stad mat, tro-dro Naoned , da adkempenn ha da zisaoutrañ, Poent eo d’ober un dra bennak.