Betek e Argantred-ar-Genkiz (4 500 anneziad) e Bro-Gwitreg ez eus rodeoioù ! E Jardrin an Hill, ar familhoù a vez direnket gant tud yaouank war o skouter o c’hoari an Daltoned, diouzh anv ar strollad hailhoned eus Lyon. Ur park anavazet mat e Argantred-ar-Genkiz eo Jardrin an Hill ha plijout a ra d’ar familhoù mont da gantren ennañ dreist-holl er mare-mañ m’emañ tomm-berv an amzer. Met ne vern, tud yaouank a fell dezho ober evel er bannlevioù ha kammigellat etre ar valeerion. Betek ken a vo lazhet ur bugel gant ul lañfre bennak !
D’an 29 a viz even e voe embannet un diferad gant an aotrou maer Jean-Noël Bévière : echu gant ar rodeoioù ! Difennet groñs eo d’ober rodeoioù e Jardrin an Hill hiviziken hag e pep lec’h er gêr. Paotr ar c’hustum a zo o fatrouilhat er Jardrin o tisplegañ d’ar re a fell dezho c’hoari gant o c’hwiloù-tan emañ echu gant ar sotonioù bremañ.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
