Un den en e 71 vloaz a zo bet kontellet disadorn dremenet (16/07) e Lanvezhon, ‘tal-kichen Roazhon. Ha gloazet-fall eo : 6 taol kontell en deus bet ha drailhet eo bet e fas
Hervez ar polis e vefe bet adkavet e garr-tan er Mans, ennañ daou wiyanad, 17 ha 18 vloaz anezho. Goude bezañ bet prezantet d’ar barner an hini koshañ a zo bet kaset d’an toull-bac’h da c’hortoz e brosez. Hervez ar prokulor en defe klasket lazhañ ar paotr kozh « peogwir e oa heñvelreviad ».
En em gavet en doa ar gwiyanad yaouank hag ar paotr en e 71 vloaz e kreiz-kêr Roazhon d’ar 14 a viz gouere. Un emgav a oa bet lakaet a-benn ar sadorn a zeu e Lanvezhon. Met war a seblant ne oa ket deuet ar gwiyanad yaouank evit ar pezh a ao sañset ober e karr-tan ar paotr kozh. Hervez ar prokulor en defe kontellet anezhañ ha laeret e garr-tan.
E-keñver oadoù an den gloazet hag hini ar gwiyanad yaouank ha dreist-holl e-keñver profil ar paotr serret (ur gwiyanad), daoust hag e vo aozet manifestadegoù gant ar c’hevredigezhioù LGBT e Roazhon pe get ? Amañ emañ an dalc’h.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
