Felger (35) : Daou zealer war dec’h a vennas lazhañ ur familh

Dimeurzh dremenet, tro 11e noz, etre Felger ha Yaoueneg, setu skoet ur c’harr-tan gant unan all. Netra ispisial aze, ur gwallzarvoud re-bar d’ar re a zo bemdez war an hentoù.

Ur c’houplad hag ur bugel en e 11 vloaz a zo bet skoet gant ur wetur all a zeue enep-red. Gloazet int bet un tammig met dreist-holl o deus bet ur c’horfad spont. Met perak ‘ta e oa ar c’harr-tan-se enep-red ? Peogwir e oa daou drafikour dramm war dec’h enni. War dec’h abaoe ma zo bet klasket kontroliñ anezho e post gwir-treizh ar Gravel, etre Breizh ha Bro-C’hall. Digoret o deus hent gant o c’harr-tan ha yao, an archerien war o lec’h !

Ur wech erruet e Felger e klaskas ar soudarded lakaat ur stops sticks war an hent evit toullañ o fneuioù. Ne vern, tremen a reas memestra an daou lampon ha pa’z eo bet toullet ur pneu dezho. A-benn ar fin e voe fin an hent evito un tamm pelloc’h pa skojont ouzh karr-tan ar familh goude bezañ troet tro-dro d’ur c’hroaz-hent tro en tu-kontrol. Eüruzamant n’eo ket bet lazhet den ebet met tremenet eo bet ku-ha-ka.

Anavezet mat gant ar polis e oa an daou hailhon.

Crédit photo : DR

[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine

- Sécession la première parution de Yann Vallerie, rédacteur en chef de Breizh-info -

- Je soutiens BREIZH-INFO -

PARTAGEZ L'ARTICLE !

LES DERNIERS ARTICLES

ARTICLES LIÉS