E busoù tolpad-kêrioù ag An Oriant zo muioc’h-muiañ a dagadennoù. A-enep ar pratikoù mes ivez a-enep ar vleinourion. E miz gwenholon da skouer e oe bet taget ur bleinour gant un hailhon. Evel rezon estroc’h evit e An Oriant e c’hoarvez seurt tra, e Breizh hag e Bro-C’hall a-bezh emañ ar feulster en transportoù boutin é kreskiñ dibaoe bleziadoù.
D’ar 24 a viz du 2022 e oe bet embannet get Gérald Darmanin, ministr an Diabarzh, e vehe bet savet unvezioù polis evit suraat an transportoù boutin. 77 a oa bet raktreset en holl. A-benn ar fin e vo staliet unan e An Oriant, er CTRL, ar rouedad busoù ha bagoù. E Breizh e vo savet seurt unvezioù e Naoned, Roazhon ha Brest ivez.
E An Oriant e vo lakaet etre 10 hag 20 poliser àr an dachenn etre an ti-gar hag an arsavioù bus. Hervez Darmanin e vint o kantreal en transportoù en eurioù ma zo ar muiañ a gañfarded é klask afer doc’h an dud onest.
Iskisaat tra, n’eo ket bet lavaret netra get tud ag an tu-kleiz e An Oriant. Marse peogwir e veze reklemet seurt polis gant sindikadoù an transportoù boutin.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
