“Roue an Dervallières” setu penaos en em lesanve e-unan Billal Benyoucef en e garter eus Naoned. Billal 1añ ? 25 menneg war e roll lez-varn dija hag eñ 35 vloaz ! D’ar 27 a viz genver 2019 e oa degouezhet e ti an holl eus karter an Dervallières. Ur veilhadenn ar re varv a oa ennañ. Ne vern ! Gant e fuzuilh 22 long rifle e tennas war an dud a oa o c’hortoz dirak an ti. Ha neuze ez eas tre evit galoupat war-lerc’h tri den m’en doa bet tammoù kroz ganto devezhioù a-raok.
Abaoe m’eo arruet e Bro-C’hall ez a ingal da straniñ en toull-bac’h. Un nebeut sizhunioù zo e oa dirak al lez-varn dija evit un afer trafikañ dramm hag armoù. Dibrizonet goude un fazi prosediñ e oa bet tapet en-dro e Cholet.
Ar wech-mañ emañ dirak lez-varn Naoned evit afer ar veilhadenn. Gallout a rafe kondaonet d’an toull-bac’h e vuhez-pad.
Skarzhet eus Breizh ha kaset d’e vro c’henidik a vefe mat dija…
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
