E miz even 2023 e oa ur paotr yaouank en e 16 vloaz e-unan en e di eus Sant-Maloù Gwersac’h e kreiz ar Briver. A-daol-trumm e welas un den, ur c’hougoul war ar penn hag ur bistolenn en dorn, o tegouezhet en ti. Setu partiet an emgann etreze ! Buan-tre e kemeras paotr e gougoul an tu-kreñv hag e skoas gant ar c’hrennard gant e bistolenn hag ur varenn houarn. Hag un taol gontell er glin war ar marc’had !
Gant ur c’homper dezhañ e furchjont an ti ha laerañ arc’hant ha traoù prizius.
Evel just e oa un afer trafikañ dramm. Un Naonedad en doa laeret ur sac’h, gant 15000€ a zrogach ennañ. Adkavet gant an trafikourien e voe roet dezhañ ul labour d’ober evit paeañ e zle : pinijañ ar c’hrennard asambles gant daou zen all. E penn ar jeu : un Nazerad, trafikour dramm en Trebal, ur c’harter eus Sant-Nazer. Gantañ eo bet roet an taolioù kreñvañ. Trafikourien bihan eo ha kregiñ a reont holl evel-se. Goude e vo ar fuzuilhadegoù war-bouez kalashnikovoù, dav eo dezho « brasaat » un tamm.
A-raok tapout galoñsoù e vo tremenet un tamm amzer en toull-bac’h ganto. Da bevar bloavezh eo bet kondaonet an trafikour pennañ, 30 mizvezh evit e gomper ha 12 mizvezh evit ar bleiner. Evel just n’eo ket breizhad a-orin an holl anezho na gallaoued kennebeut…
