Roazhon : Pevar den serret goude un aridennad a laeroñsioù

E Bro-Roazhon e oa bet « gweladennet » meur a embregerezh abaoe bloaz. E Saint-Grégoire, en ur glinikenn, e oa c’hoarvezet ar c’hentañ laeroñsi. Ha goude-se e voe laeret embregerezioù ar c’hennad tredeel, un tregont bennak en holl memestra ! E Roazhon, e Cesson-Sévigné e voe laeret betek 300 urzhiataer en holl gant laeron o doa kavet an tu da forsiñ potailhoù elektronek ! Laeron a-vicher anezho kredapl !

700 000€ a zafar a vefe aet ganto memestra.

Ar sizhun-mañ e teuas ar boliserien a-benn da serriñ pevar den, diskred warno bezañ kemeret perzh el laeroñsioù. Daou anezho a zo bet kraouiet kerkent.

N’eo ket bet rezisaet eus peseurt orin a oa an dud-se.

Crédit photo : Polis vroadel
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine