Disadorn e oa ur vanifestadeg evit Breizh adunvanet e Naoned. Etre 250 den (hervez Ouest-France) ha 1000 (gouez d’an aozerien) o deus dibunet e straedoù eus hor c’hêrbenn.
Pell emaer eus ar miliadoù a dud a vanifeste gwechall evit an Adunvanidigezh. Mil abeg warn-ugent a zo evit displegañ ar « yenijenn »-mañ. Met unan a zo anat : Kafka a zo o chom e Breizh !
Disadorn e oa aozet ar vanifestadeg gant an tu-kleiz pellañ. Ur daou c’hant pe tri c’hant bennak a dud a zo deuet kar ur gwir urupailh eo deuet da vezañ an antifa evit ar Vretoned kar-o-bro « normal ». Ne fell ket d’an dud manifestiñ dindan bannielloù LGBT pe Palestinian pe ruz ha ruz, ‘m eus aon.
Div gevredigezh veur evit Breizh Adunvanet a zo bremañ e Naoned : Bretagne Réunie hag A la Nantaise, strollad Florian Le Teuff. Kasoni da varv a zo etre an div gevredigezh-mañ, ken n’haller ket ijinañ e vefe aozet ur vanifestadeg unvan gant an div.
Pa vez galvet da vanifestiñ gant an tu-kleiz pellañ e teu un dornad tud nemetken, evel disadorn.
Ma vez galvet da vanifestiñ gant an tu-dehoù pellañ e c’halvo an tu kleiz da vanifestiñ a-enep ar vanifestadeg.
Pa vez galvet da vanifestiñ gant ur strollad « neptu » (Bretagne Réunie lakomp) asambles gant ar bagadoù, ar c’helc’hioù keltiek, ar c’hevredigezhioù sevenadurel, ar skolioù divyezhek e vez embannet gant an tu-kleiz pellañ e vo kann ma welont « tud eus an tu-dehoù pellañ » en dibunadeg. Setu ar pezh a c’hoarvezas e 2017 ha nullet e oa bet ar vanifestadeg a-benn ar fin. Abaoe, ne teu ket mui ar familhoù da seurt degouezhoù, war aon e vefe paket ur taol fall gante.
Gallout a rafe emsaverien eus an tu-dehoù embann ne zeuint ket mui d’ar manifestadegoù evit an adunvanidigezh en ur spered patriot, evit sioulaat an traoù. Met profitañ a raio an tu-kleiz pellañ evit displegañ e vannielloù kanavedenn, pro-pal ha CGT e pep lec’h er vanifestadeg. Hag abalamour da se eo un dra sur ne zeuio ket ar vretoned « normal » ar bloaz war-lerc’h.
Evel e Bro-Skos e c’heller ijinañ e vefe aozet manifestadegoù dindan ur banniel nemetken : ar Gwenn-ha-du. Ha berzet ar bannielloù all. Met aze e vefe c’hoari gant strolladoù evel an UDB pe Strollad Breizh hag a blij dezhe kement displegañ o bannielloù er manifestadegoù.
Kafka e Breizh !
Aon ‘m eus n’eo ket warc’hoazh kentañ e vo ur mor a dud o vanifestiñ e Naoned evit an Adunvanidigezh. Stañket eo an Emsav. Ezhomm en deus a « normalder », diboezonet eus an tu-kleiz troet foll ha sekter.
Illustration : DR
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine
