Kavet ez eus bet un diskoulm gant mignoned Jean-Guy Talamoni : mont a raio dizalc’herien Corsica Libera gant emrenerien ar PNC strollad Jean-Christophe Angelini. Izel-tre e oa bet disoc’hoù an dro gentañ evit ar strollad dizalc’hour. Dindan ar 7% e oa gant 6,9% ha, dre-se, ne oa ket evit mont e-unan d’an eil tro. Pemp ezel eus Corsica Libera a zaio war al listenn PNC a-benn ar fin : Joseph Giacometti, Petr’Antò Tomasi, Laura Poli, Jean-Michel Simon ha Rosa Prosperi. Jean-Guy Talamoni a vo er-maez ar jeu evel Lionel Mortini, hag a oa prezidant Ofis diorren al labour douar eus Korsika betek-henn.
Teir listenn vroadelour a vo war ar renk disul a zeu : Fà populu Inseme gant Gilles Simeoni, hini PNC-Corsica Libera ha hini Core in Fronte. Ul listenn « c’hall » nemetken a vo : hini an tu-dehou anvet « Un Soffiù Novu pà a Corsica » gant Laurent Marcangeli.
En tu-all d’ar 57,7% e oa al listennoù broadelour en holl d’an dro gentañ.
Crédit photo : DR
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
Une réponse à “Votadegoù e Korsika : Corsica Libera gant ar PNC”
Dans la quotidienne de Breizh Info ce matin, 33% d’articles en breton (3 sur 10): c’est pour les 33% d’électeurs au premier tour des régionales/cantonales?