E bro Felger emañ mafia an tourioù- avel o klask sevel chantieroù un tamm e pep lec’h. A gumun da gumun ez a evit gwerzhañ o c’hamolod d’an dud. Goude Chapel-Yent, Kersalver-al-Lann, Sant-Revig-ar-Plaen, Liverieg-Kenton ha Sen, setu Chapel-Sant-Alverzh ! Nevez zo he deus bet an ti-kêr ur bellgomzadenn a-berzh un embregerezh sevel tourioù-avel. Gant an tachennoù arme a zo bet disoudardet e klask seurt embregerezhioù kumunioù paour da werzhañ dezho parkadoù tourioù avel.
Met n’eo ket lobaioù tud ar vro. Kerkent ha gouvezet e oa aet un embregerezh e darempred gant ti-kêr ar Chapel ez eus bet savet ur gevredigezh (Eoliennes non merci) ha lakaet ur petision en-linenn. War an 322 anneziad en oad da votiñ, 272 o deus sinet ar petision ! D’ar 05 a viz gouere e oa 70 e sal gouelioù ar gumun evit un emvod kelaouiñ oazet gant ar gevredigezh.
Setu kemennet ar c’huzul-kêr hag an aotroù maer : arabat gwerzhañ tachennoù ar c’humun da c’hwiblaeron an tourioù-avel !
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
