E Ankiniz (44) ur petision a zo bet lañset evit savetein an Urjañsoù. Hiviziken e vez serret Urjañsoù ospital Erdr a Liger etre 8eGM ha 6e mintin. Evit poent eo bet sinet ar petision gant 3000 den.
E Lannuon, digwener dremenet, en deus an ospital galvet an dud o deus bubuioù da chom er ger. War a seblant n’eo ket mui an ospital evit degemer tud nevez abalamour d’an epidemiezhoù a zo er mare-mañ. E kreiz ar gorventenn emañ urjañsoù Lannuon rak peurgaget int noz-deiz.
E Sant-Maloù o deus diskroget koskor medisinel zo 46 deiz zo ag emaint c’hoazh o terc’hel ar piked grev. Soutenet gant SUD hag ar CGT, reklem a ra al labourerien e vefe titlet tud nevez rak n’hallont ket mui ober o labour en un doare dereat. E Sant-Maloù, pratikoù zo a c’hortoz devezhioù ha devezhioù war gravazoù abalamour d’an diouer a weleioù hag a implijidi.
E Josilin (56), emañ an ospital evit dilojiñ en ur savadur nevez met n’eo ket mat aozadur al labour nevez d’an implijidi. Hervez ar CFDT e vez klasket espern arc’hant gant ar melestradur ha kement-mañ diwar-goust ar pratikoù hag an implijidi.
Hag e Douarnenez eo bet barnet ur guyanad ar sizhun-mañ peogwir en doa lakaet freuz ha reuz en urjañsoù d’ar 14 a viz kerzu. Mev-dall e oa ag en doa gourdrouzet an implijidi a glaske ober war e dro.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
Une réponse à “Ankiniz, Josilin, Lannuon, Sant-Maloù, Douarnenez : an ospitalioù war-nes tarzhañ ?”
… e Landerne ne vo ket a drummajoù e-pad an noz etre Nedeleg hag ar bloaz nevez ! Anv zo eus diouer a vezeion hag un anestezour a ya war e lave a-benn an nevez-hañv ha n’eus den evit kemer e bost.
… e Brest emeur o tilojañ servijoù a-bezh eus an Ospital Morvan d’ar Gazeg Wenn, e kornog Brest : diaes-tre eo dija tizhout an trummajoù a-hont pa vezer o chom en tu all d’ar veur-gêr pe war ar maez er Mervent…