D’ar 21 a viz even e voe serret un den gant archerien Redon. Perak ? Peogwir en doa manifestet (e-unan !) a-enep ar propaganda « treuz » a oa bet miz a-raok e mediaoueg Sant-Senour.
D’an 13 a viz mae e voe aozet un abadenn « drag queen » e mediaoueg Sant-Senour. Dirak ar vugale ! Ur gumuniezh « bobo war ar maez » a zo e Sant-Senour ha fellout a ra dezho e vefe « disavet o bugale » mod Sandrine Rousseau boboland.
A-daol-trumm, tra ma oa ar baotred gwisket e merc’hed o lenn un istor e tegouezhas ur paotr kalonek o huchal « Nebeutoc’h a drañs, muioc’h a Frañs » (sic ! « Muioc’h a Vreizh » a vefe bet gwelloc’h) pe « Treuz, tud dilignez ! » ha luganioù all ken leun a skiant vat.
Ha neuze e lennas ar paotr un destenn a-berzh an Oriflamme, ur gevredigezh broadelour (gall) eus Roazhon. Tamm feulster ebet gantañ. War-se ez eas kuit trankilik.
Klasket o deus diouzhtu an archerien war e lerc’h ha kavet buan piv e oa : diazezer an « Oriflamme » a vefe eñ. Div vrigadenn a archerien (hini Redon ha hini Gwizien) a oa war e lerc’h ken grevus eo da vezañ c’hoant gwareziñ ar vugale eus ideologiezhioù ha n’eo ket diouzh o oad ! A-benn ar fin e voe serret ha dalc’het dindan evezh.
D’an 11 a viz gwengolo e vo dirak lez-varn Roazhon. Gallout a rafe bezañ kondaonet d’ur bloavezh toull-bac’h mui 45 000€ a gastiz.
E-keit-se ez eus manifestadoù trans e pep lec’h e Bro-Frañs, prezegennoù torret ganto, freuz ha reuz a vez lakaet meur a wech hep ma vefent kondaonet.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “Sant-Senour (35) : « Nebeutoc’h a drañs, muioc’h a Frañs ! »”
Pebezh vezh!