Ar brokañ war ar madoù-leve ! E Breizh hag e Bro-Euskadi emañ ar brokañ-mañ en e uhelañ. Met e Bro-Euskadi eo ar baizanted a zo e penn ar stourm a-enep gwerzh an tiez d’an estrañjourion. N’eo ket memes kont e Breizh, siwazh…
E Saint-Pée-sur-Nivelle eo ac’hubet un ti, an ti Olha, abaoe miz even gant paizanted ar sindikad broadelour LAB hag emsaverien euskarad. Gwerzhet eo bet an ti-mañ evit 1,3 milion a euroioù, ar pezh a zo ker-ruz (div wech muioc’h eget ar priz istimet gant ar Safer). Ha war ar marc’had n’eo ket ar werzhourien tud baour pe ur vamm gozh benak, pell alese ! Ar familh Telleria an hini eo a zo perc’henn war an ti Olha, da lavaret eo ar re o deus ar stal pastezerezh “An ti Adam” ma vez fardet morlukennoù brudet e kreiz-kêr Saint-Jean-de-Luz ! Ur familh a vourc’hizien pinvidik neuze !
D’ar 15 a viz eost, o deus en em dolpet un tregont a dud dirak an Ti Adam e Saint-Jean-de-Luz gant ur giton skrivet warnañ “Ti Adam, morlukenn ar brokañ”.
Traktoù a zo bet roet d’an dud sachet o evezh gant an tolpadeg. Trouz a zo bet gant touristed hag annezidi Saint-Jean-de-Luz zo. Met dre vras eo bet sioul an traoù. Tremenet eo ar maer memes da doullañ kaoz gant ar vanifesterien.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
