Un den eus Naoned a oa bet serret d’an 30 a viz even e gouel Astropolis e Brest o werzhañ dramm. Fin, dramm ne oa ket, kokain faos ne lavaran ket ! Gwelet e oa bet gant surentez ar festival ha galvet ar boliserien ganto. Gantañ e oa faos-kokain ha bilhedoù e-leizh. N’eo ket ar wech kentañ e vez klevet e anv en un afer dramm rak kondaonet eo bet 19 gwech dija ! E 2015 en doa klasket gwerzhañ seurt produioù en ur festival endeo.
Met un dra all a oa bet komprenet gant ar boliserien o klask gouzout hiroc’h diwar e benn : evit gwerzhañ dramm gant ur c’homper dezhañ e Brest en doa leusket e vab a 12 vloaz e-unan en ur ranndi eus Naoned ! Tamm mezh ebet gantañ !
D’an 12 a viz gouere e oa dirak barner ar frankiz e Roazhon. Goulenn a reas bezañ dibrizonet kuit da goll e labour hag e lojamant. Met dre m’eo pouner e deuliad n’eo ket bet leusket da vont gant ar barner. Chom a raio en toull-bac’h da c’hortoz e brosez ha mat pell zo !
Crédit photo : DR (photo d’illustration)
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
