E Landreger e oa ur skol divyezhek brezhoneg-galleg katolik (skol Itron Varia) abaoe 1997, bremañ e vo unan ouzhpenn, dre soubidigezh ar wech-mañ : ur skol Diwan ! Abaoe 2017 e oa anv eus ar skol-mañ met ne gave ket tud ar vugale o zi-skol. Goude bezañ klasket ha klasket, zo bet kavet un ti, straed Le Peletier, ma c’hello ar skipailh staliañ an dafar skol ennañ. Ouzhpenn-se e vo prenet an ti-mañ gant « ar Roc’h », ar font debarzhadur savet gant Diwan evit souten ar skolioù ha n’o deus ket o zi skol dezhe.
Etre 7 ha 12 bugel a zo enskrivet dija. Klask zo war un skolaer hag ur skoazellerez a oar brezhoneg.
E Treger-Goeloù ez eus teir skol Diwan dija : hini Louaneg, hini Pempoull ha hini Lannuon.
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
