Ennañ e vez dielfennet « brizouneg » Eusa, diwar tout an dastumoù a zo bet graet war an enezenn. Rak ispisial-tre eo « brizouneg » Eusa gant feurmoù kozh-Noë (kent ar XVIIvet kantved hervez Ronan Pellen), traoù dibar ken a-fet yezhadur ken a-fet geriaoueg. Er bloavezhioù 80 e voe enrollet tud kozh gant Patrig Gouedig hag an enroladennoù-se a zo bet selaouet gant aked gant Ronan Pellen evit skrivañ e levr.
Abaoe bloavezhioù e vez studiet pizh brezhoneg Eusa gant Ronan Pellen. Araozañ e oa bet skrivet ur levr intererus-tre ivez war ar memes tem gant Mikael Madeg, arbennigour war brezhoneg Bro-Leon.
Hag un is-rannyezh eus brezhoneg Bro-Leon eo brizouneg Eusa ? N’eo ket war a seblant. « Gwechall ne veze ket komprenet tud Konk-Leon gant tud Eusa » hervez Marin Jezequel, ur plac’h yaouank, tik gant brizouneg he enezenn hi ivez.
« Pezh ha fa / Boued Eusa / Pez ha panez / Boued Molenez » (fachiri a veze alies etre tud Eusa ha tud Molenez)
« Pa vez evit ur gwenneg e Molenez / e vez evit ugent en Eusa »
Foto : Ronan Pellen / Les Iliennes.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
