Yann Tiersen a zo o chom war Enez Eusa. Ha pa ne vez ket o seniñ piano en e benn-ti emañ war e vag dre lien o vageal etre ar Pol Norzh, an inizi Feroe pe inizi Bro-Skos.
Trankil mimil. Pell eus ar « binvidigezh ».
Ha paour-Dieu eo Yann Tiersen ? Soñj ket din. Ma erru Mélenchon e penn ar vro e vo dav dezhañ lakaat an dorn er yalc’h. Ha meur a wezh ‘m eus aon ! « Taosañ ar re binvidik », a dalv evit Yann Tiersen ivez.
Ha pegoulz e vo degemeret familhoù repuidi en e benn-ti eus Eusa ? Plas a zo moarvat. Pe e c’hello propoziñ d’an enezourien lakaat Eusa da « enezenn degemer » evit an holl a fell dezhe en em staliañ en Europa, « pell eus ar mizer hag ar brezelioù ».
Ha fentus eo gwelet Tiersen gwisket gant dilhad skipailh broadel mell-droad BRO-C’HALL memestra. Hag eñ hag e wreg o c’hoari ar vroadelourien breizhad war al leurennoù seniñ goude bezañ desket brezhoneg. Echu gant ar stourm Yann ?
Ha petra a soñj ar c’houplad Tiersen eus ar rannvroioù « ekologour » nevez ijinet gant Jean-Luc Mélenchon n’eus ket pell zo ?
Ar vourc’hizelezh eus an tu-kleiz-se, gwasoc’h n’eus ket. Ar pluñv a ra an evn hag an dilhad a ra ar manac’h. Amañ e weler mat eo Yann Tiersen ur penn-dañvad eus an tu-kleiz, tra ken.
Foto : pajenn Facebook Yann Tiersen.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
