Na dristaat keloù : aet eo Mona Bouzec d’an Anaon.
Ganti e oa bet skrivet an hentenn « Selaou, selaou » war ar brezhoneg komzet hag ul levr war brezhoneg he bro, asambles gant Jos Goapper ha Yannick Souffez. Pet a stajoù oa bet renet ganti ivez ma c’hellas he stajidi selaou ha deskiñ brezhoneg ar bobl, brezhoneg yac’h ha bev klevet diganti war barlenn he mamm.
Eus Rieg, ur gumun eus Bro-Kemperle (Kerne) e oa Mona (Monique) Bouzek-Chassagnou. 94 vloaz e oa hi. A-hed he buhez e klaskas kelenn ar brezhoneg d’an deskidi a zeue puilh d’he stajoù. Tri miz zo e oa bet enoret da geñver ar gouel « Taol Kurun » e Kemperle. Ra vo skañv douar Breizh eviti.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
