Setu ar video a zo bet skignet gant ar chadenn twitter French Carcan. Ur seurt pimpatrom eus an nevez-gwegelouriezh eo ! Ur « skouer a-skouer » !
https://x.com/FrenchCarcan/status/2086015862952063020/video/1
Kentañ tra a weler : peder vaouez o sklokal a-hed an diviz. Hiiii hiiii hiiii. Evel ma vefe paotred maskulinour oc’h oc’hal evel moc’hed.
Goude, n’eus ket nemet teurel ur sell war ar c’hinklaj : McBook, objedoù « Maison du Monde », ar bolennadoù matcha war an daol, ar wenterez « roz-kozh » Made in Sina.
Hag o emzalc’h ! Sandrine Rousseau marvasennet war he c’hador, an divronn o kouezhañ, ar plac’h a-zehoù dezhi, gwisket gant krop-top evel ur plac’h 17 vloaz hag hi 40 vloaz ma n’eo ket muioc’h ! Ah, n’eo ket Marie-France Garraud, Jeannette Vermeersch pe Simone Veil, se zo sur !
Hag ar pezh a vez lavaret gante : « la concentration couillesque », al lazhtioù nevez savet en ur gumun hag a laka ar feulster a-enep ar merc’hed da greskiñ, ar c’hig, …
Met krediñ a ra ar feministed pe ar re eus an tu-kleiz eo un dra vat evit o stourm seurt video ? Evel ma vefe pennoù-touzet o choual evit an tu-dehoù. Amzer zo bet ma oa speredek ha finoc’h an tu-kleiz alato !
Siwazh, an tu-kleiz a zo o kouezhañ en ur puñs difoñs ha n’haller ket ober netra evitañ.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
