Sant-Malou : « an holl dud a vutun » (butun droll) eme an Albaniad kondaonet

trafic_de_stups

Gwasoc’h-gwasañ emañ an traoù evit a sell ouzh an trafikañ dramm e Sant-Malou.  E karter HLMoù straed ar Poitou da skouer ez eus fuzuilhadegoù ingal etre trafikerien dramm. Nevez zo ez eus bet barnet ha kondaonet un albaniad, 20 vloaz anezhañ, hag en doa savet ur stal gwerzhañ kannab en ul log skalierioù eus straed ar Poitou. Kantadoù ha kantadoù a brenerien a dremene bemdez hervez an amezeien hag o deus pellgomzet d’ar polis a-benn ar fin tro miz here ken fuloret e oant gant an trafikañ. Kavet e oa bet ur sac’had kannab gant ur vaouez e-barzh karrig-bount he babig zoken !

A-benn ar fin, d’ar 05 a viz mae, e voe kondaonet an albanad yaouank diskred warnañ bezañ e penn an trafik. Hag eñ difourm ha dispont dirak ar barner ! Gallout a ra bout en e aes : a-benn ar fin e voe kondaonet da 5 mizvezh toull-bac’h GANT GOURSEZ. Ne’z aio ket d’ar prizon neuze.

Pa oa bet goulennet gantañ gant prezidant al lez-varn ma oa dindan dalc’h ar c’hannab, hemañ a respontas « n’on ket. Abaoe 10e mintin n’am eus ket butunet da skouer. Gwelet ‘m eus tud 10 pe 12 vloaz o vutunañ. An holl dud a vutun ! » 

Breizh a-vremañ, petra ‘ri !

Crédit photo :

[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine

- Sécession la première parution de Yann Vallerie, rédacteur en chef de Breizh-info -

- Je soutiens BREIZH-INFO -

PARTAGEZ L'ARTICLE !

LES DERNIERS ARTICLES

ARTICLES LIÉS

ABONNEZ VOUS À NOTRE NEWSLETTER

Pas de pubs, pas de spams, juste du contenu de qualité !