Emañ François Hollande hag e vestrez Julie Gayet o klask un ti e Brignogan, e bro Leon. Da gentañ tout, gant Hollande oc’h ober e zemeurañs er vro ne vo ket gwelloc’h an amzer ! Rak n’hon eus ket ankounac’haet pegen glaviek e oa bet e goulzad e penn Bro C’hall. Bewech ma veze gwelet anezhañ o prezegenniñ er-maez e oa glav-pil !
Met bremañ setu François ha Julie o klask prenañ un ti en hor bro. Un ti nebeutoc’h evit ur familh vreizhad rak ne vo ket prenet ur studio gant an daou-se, ken sur ha tra. Ha gant François Hollande e vo poliserien, gwarded o wareziñ korf ar prezidant kozh. Alese, n’eo ket un ti a vo prenet gant ar c’houplad met daou !
Hag evel just eo un eil-ti a vo prenet gant Hollande-Gayet. Ale, div sizhunvezh bep bloaz a dremeno ar c’houplad e Breizh, ur mizvezh marteze ? E-pad ar peurrest e vo serret en ti(ez). Ha 60% a eil-tiez a zo e Brignogan dija !
Tra m’emañ ar stourm evit al lojeiz en e uhelañ e Breizh ez eus peadra d’en em c’houlenn hag e lenn François Hollande ar c’hazetennoù embannet e Breizh.
François Hollande, tiez a zo da brenañ e Pataya pe Dubaï ma fell deoc’h rouziñ war an draezhenn a-hed ar bloaz. E Breizh e fell dimp mirout an tiez evit ar vretoned ! Hag evit ar vretoned nemetken !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “An aotroù Hollande e Breizh”
Traezenn an touseg evit F. Hollande? Ar choaj gwellañ eo, peogwir n’eus ket a draezenn a velc’wedenn e Brignogan.