Gouel Ana Vreizh : Bep bloaz e miz mae e vez gwelet tud gwisket mod kozh o tibunañ e straedoù ur gêr eus Liger-Atlantel. Bagadoù, dañserien, merc’hed o vont e koef, bannieloù gwenn-ha-du, setu ur skeudenn vrav eus Breizh en un tiriad dindan propaganda ar « rannvro » Broioù al Liger » ! Ha bep bloaz e vez aozet ar gouel en ur gêr disheñvel.
Ar bloaz-mañ e krogo ar gouel Ana Vreizh d’ar yaou 18 betek an 21 a viz mae e Pornizh, e Bro-Raez. Met n’eo ket lañset an traoù c’hoazh emañ aozerien ar gouel o c’hervel an dud da sikour anezho : berr eo an arc’hant ganto hag un toull er voujedenn. N’he deus ket bet, ar bloaz-mañ, ar gevredigezh a ra war-dro ar fest, tamm gwenneg ebet a-berzh kêr-bPornizh. Perak ? Ar gêr-degemer eo koulskoude met ne vern. Nac’hañ a ra sikour ur gouel hag a zegas buhez er vro. Hervez an ti-kêr e vez sikouret ar gouel dre brestiñ dafar ha dre baeañ Jig Times, ar strollad sonerien iwerzhonad, memestra.
Un diouer a arc’hant evit ar gouel neuze. Setu perak ez eus bet lañset ur podad en-linenn gant an aozerien. 3000€ a fell dezho rastellaat. 1080€ a zo bet roet dezho dija. Un tamm gweneg mar plij tudoù !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
