Penaos e vez lavaret « travesti » e brezhoneg ? Treuzwisket ? Travelo ? Diaesoc’h-diaesañ kavout gerioù brezhonek a jaoj gant an froudenniezhoù a-vremañ…
D’an 11 a viz mae, e oa ur c’houplad dirak lez-varn Sant-Malou. Ar gwaz tamallet da « harellerezh spered » e-keñver e wreg. Ma…
Kejet o doa an daou bichon an eil ouzh eben war internet e 2021. Kolombianez e oa hi ha Breizhad e oa eñ. Buan-tre e tegouezhas an itron hag he mab e Sant-Malou ha graet an eured war-lerc’h.
Met kerkent e treiñkas a reas ar soubenn etre an daou bried. Hervez ar gwaz eo ur « galon arc’hant » ar Golombianez. « Kollet em eus pep tra » abalamour dezhi ha dispignet kalz betek tapañ arc’hant e kef e embregerezh. « Roet em eus tout ma madoù dezhi ! »
Disheñvel arguzennoù ar « galon arc’hant » : « pemzek devezh a-raok an eured em boa netaet an ti hag em boa kavet dilhad merc’hed ha dreist-holl dilhad dindan ». Hag ar c’hasanova rediet da anzav dezhi e plije dezhañ « en em dreuzwiskañ e plac’h deizioù zo ». Un « travelo » e berr komzoù.
Hag hi da genderc’hel war ar memes ton : « nozioù zo, pa n’em boa ket c’hoant kaout joa gantañ e c’hourdrouze ac’hanon da vont da bolis an aer hag an harzoù evit ma vefe tennet diganin ma zeul chom ». Un travelo forser ?
Ha pemp ha pevar ha pemp ha pevar. Klask a reas breutaerez ar Golombianez prouiñ e oa « harellerezh spered » war he fratikez.
« Mod-se e vo aesoc’h eviti chom e Bro-C’hall ha dispartiañ » a respontas breutaer ar gwaz.
A-benn ar fin e voe laosket da vont ar paotr tamallet gant al lez-varn. Dre ziouer a brouennoù. Ha bremañ, an disparti !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
