D’an eur ma skrivomp al linennoù-mañ e vank c’hoazh 4 bugel e skol bublik Pleuveur-Gaoter evit digeriñ un hentenn divyezhek brezhoneg-galleg d’an distro-skol. 10 skoliad a zo rekis evit digeriñ ur c’hlas skol-vamm ha 6 nemetken a zo enskrivet betek-henn. Ur skolaerez divyezhek a zo bet anvet dija. Prest eo pep tra, sinet eo bet ar paperachoù gant an deskadurezh-stad hag an ti-kêr.
Un emvod foran war an deskadurezh divyezhek a vo dalc’het d’ar 24 a viz even er skol.
Bodet eo skolioù Pleuveur-Goater ha Lanvaodez en un RPI, alese e c’hello bugale eus an div gumun-mañ deskiñ brezhoneg er skol ma vez digoret an hentenn.
Crédit photo : DR
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
